Fimmtudagur, 27. nóvember 2014
 
TölublöðVenjuleg útgáfa

Vilja 10 þúsund tonna handfærapott fyrir makríl

18. september 2012 kl. 08:22

Makrílveiðar á handfæri. (Mynd. Alfons Finnsson)

Smábátaeigendur á Snæfellsnesi héldu aðalfund um helgina og vilja gera fjölda breytinga á fiskveiðistjórninni

Meðal tillagna sem samþykktar voru á aðalfundi Snæfells, félags smábátaeigenda á Snæfellsnesi, er að krókaveiðar á makríl verði allt að 10 þúsund tonnum, að því er fram kemur á vef Landssambands smábátaeigenda. Þá var samþykkt tillaga um að ýsukvótinn yrði aukinn.

Aðalfundur Snæfells var haldinn sunnudaginn 16. september.

Aðalmál fundarins og það sem tók mestan tíma var nýgerður kjarasamningur LS og sjómannasamtakanna. Umræðum um samninginn lauk með atkvæðagreiðslu. Alls greiddu 42 atkvæði sem er 25,3% þátttaka. Atkvæðum er safnað saman af öllum aðalfundum svæðifélaganna og verður kjörkassinn opnaður föstudaginn 5. október og atkvæði þá talin.

 

Meðal tillagna sem Snæfell samþykkti eru:

  • ráðgjöf Hafró verði tekin til endurskoðunar og ýsukvóti aukinn
  • grásleppubátar fái heimild til strandveiða í maí og grásleppuveiða í júní
  • strandveiðibátum verði heimilað að róa fjóra daga í viku, hámarkslengd róðra 14 klst., 650 þorskígildi á dag, fjórar rúllur, maí til ágúst, óbreytt svæði og utan kvóta
  • heimilt verði að segja sig frá strandveiðum í lok 1. 2. eða 3. tímabils og hefja frá þeim tíma aðrar veiðar.
  • veiðar á skötusel verði gefnar frjálsar.
  • veiðidagar á grásleppu verði ekki færri en 50
  • krafa um að Fiskistofa og Hafró skili skýrslu um meðafla í flottroll. Þá telur fundurinn að rannsóknir Hafró á hrognkelsum séu til skammar og að veiðunum sé best stjórnað af LS.
  • afstöðu um stækkun krókaaflamarksbáta frestað fram yfir niðurstöðu í Bíldseyjarmáli.
  • krókaveiðar á makríl verði opnar öllum krókabátum og veiðimagn verð allt að 10.000 tonn