miðvikudagur, 17. janúar 2018
 
TölublöðVenjuleg útgáfa

Aðalsteinn Jónsson SU kominn yfir milljarðinn

30. júlí 2009 kl. 14:11

Aðalsteinn Jónsson SU frá Eskifirði kom inn til löndunar í síðustu viku með fullfermi af frystum síldarflökum eftir um viku túr. Með þessari veiðiferð er aflaverðmæti skipsins komið yfir milljarð króna.

Þennan góða árangur má að hluta þakka mjög góðri makrílveiði í júní og í byrjun júlí en vel gekk að frysta makríl um borð. Heildarafli af frystum, hausskornum makríl var um 1900 tonn áður en makrílveiðin var stöðvuð. Á heimasíðu Eskju segir að veiðistöðvunin hafi valdið vonbrigðum því fituinnihald og stærð makrílsins hafi verið að aukast hratt og fiskurinn að verða verðmeiri.

Verkefnið framundan hjá Aðalsteini Jónssyni SU er að flaka og frysta síld fyrir markað í Austur-Evrópu en góð síldveiði hefur verið á Rauða torginu síðustu daga.