sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Aflahrun í júnímánuði

14. júlí 2008 kl. 12:17

Heildaraflinn í nýliðnum júní var nær helmingi minni en í sama mánuði í fyrra. Alls var landað 61.000 tonnum samanborið við 112.000 tonn áður.

Botnfiskaflinn dróst saman úr 43.000 tonnum í 28.000 tonn, þar af minnkaði þorskaflinn um rúmlega 3 þúsund tonn milli ára.

Af botnfisktegundum munar mest um hrun í afla úthafskarfa þar sem aflinn minnkaði úr tæpum 11.000 tonnum í júní 2007 í 3.000 tonn í nýliðnum júní.

Engum kolmunna var landað í júní 2008 en kolmunnaaflinn var rúmlega 34 þúsund tonn í júní í fyrra. Síldarafli í júní dróst saman milli ára eða úr 33.000 tonnum 2007 í 28.000 tonn í júní 2008. Nú veiddist talsvert af makríl með síldinni. Makríll varð áberandi í afla íslenskra skipa í júlí 2007.

Heildarafli ársins 2008 var í lok júní 614.000 tonn samanborið við 859.000 tonn á sama tímabili í fyrra.

Afli fiskveiðiársins 2007/2008 var í lok júní 958 þúsund tonn sem er 256 þúsund tonnum minni afli en á sama tíma í fyrra en þá var afli fiskveiðiársins 1.214 þúsund tonn.

Munar þar mest um 50 þúsund tonna samdrátt í botnfiskafla, 64 þúsund tonnum minni kolmunnaafla og 158 þúsund tonna samdrátt í loðnuafla frá fyrra fiskveiðiári. Síldaraflinn jókst hinsvegar lítillega milli fiskveiðiára.

Í lok nýliðins júní voru eftir 13% þorskaflaheimilda ársins. 30. júní 2007 var eftir að veiða 14,5% aflaheimilda í þorski. Í lok júní var eftir tæplega 18% af aflamarki fiskveiðiársins í ýsu en á sama tíma í fyrra voru eftir rúmlega 30% ýsuaflamarks.

Meiri upplýsingar um aflann í júní og stöðu aflaheimilda eru á vef Fiskistofu: Aflatölur Fiskistofu