sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Aflaverðmæti eykst um 7,9% á milli ára

17. nóvember 2008 kl. 09:21

Aflaverðmæti íslenskra skipa nam 63 milljörðum króna á fyrstu átta mánuðum ársins 2008 samanborið við 58,5 milljarða á sama tímabili árið 2007.

Aflaverðmæti hefur aukist um 4,6 milljarða eða 7,9% á milli ára. Aflaverðmæti í ágúst nam 8,9 milljörðum miðað við 6,2 milljarða í ágúst 2007.

Aflaverðmæti botnfisks janúar til ágúst 2008 nam 44,4 milljörðum og jókst um 2,6% miðað við sama tímabili árið 2007. Verðmæti þorskafla var 21,2 milljarðar og dróst saman um 1,5% frá fyrra ári.

Aflaverðmæti ýsu nam 10,2 milljörðum, jókst um 8,2% og verðmæti karfaaflans nam 4,5 milljörðum sem er 4,5% samdráttur miðað við fyrstu átta mánuði ársins 2007.

Aflaverðmæti ufsa nam rúmum 4 milljörðum og jókst um rúm 40% miðað við sama tímabil árið 2007. Verðmæti flatfiskafla janúar til ágúst nam 4,1 milljarði og jókst um 22,2% frá fyrra ári.

Aflaverðmæti uppsjávarafla nam 13,6 milljörðum sem er 23,6% aukning miðað við fyrstu átta mánuði ársins 2007. Munar þar mestu um verðmæti makríls sem nam 4,4 milljörðum samanborið við 1,6 í fyrra og síld að verðmæti 4,7 milljarðar samanborið við 2,2 milljarða janúar til ágúst 2007.

 Verðmæti afla, sem seldur er í beinni sölu útgerða til vinnslu innanlands nam 25,4 milljörðum króna sem er aukning um 1,3% frá fyrra ári.

Verðmæti afla sem keyptur er á markaði til vinnslu innanlands dróst saman um 7,3%, nam 8,7 milljarði fyrstu átta mánuði ársins.

Aflaverðmæti sjófrystingar nam 19,7 milljörðum, jókst um 16% og verðmæti afla sem fluttur er út óunninn nam 7,5 milljörðum sem er 28,5% aukning frá sama tímabili árið 2007.

Þetta kemur fram á vef Hagstofu Íslands. Nánari upplýsingar er að finna HÉR.