miðvikudagur, 20. júní 2018
 
TölublöðVenjuleg útgáfa

Afmörkun svæða fyrir hvalaskoðun

31. mars 2009 kl. 16:16

Sjávarútvegsráðuneytið hefur kynnt tillögur Hafrannsóknastofnunar um afmörkuð svæði til hvalaskoðunar, þar sem með öllu verður óheimilt að stunda hvalveiðar, en þetta er gert til þess að koma í veg fyrir árekstra milli þessara tveggja atvinnugreina.

Sjávarútvegsráðherra fól Hafrannsóknastofnun að útbúa slíkar tillögur og þær verða til kynningar á vefsíðu ráðuneytisins fram að páskum.

Fram kemur að öllum sé velkomið að senda ráðuneytinu athugasemdir við þær á þessum tíma. Í kjölfarið mun ráðherrann taka ákvörðun og gefa út reglugerð þar sem hvalaskoðunarsvæðin verða staðfest.

Tillögurnar eru á vef ráðuneytisins, HÉR