mánudagur, 17. desember 2018
 
TölublöðVenjuleg útgáfa

Afrakstur þróunaraðstoðar ógnar norskum sjávarútvegi

30. mars 2009 kl. 08:51

Norðmenn standa nú frammi fyrir þeirri sérkennilegu stöðu að afraksturinn af þróunaraðstoð þeirra í Víetnam um langt árabil er farinn að ógna markaðsstöðu norsks sjávarútvegis í Evrópu.

Í rúma tvo áratugi hafa Norðmenn veitt sem svarar hálfum öðrum milljarði íslenskra króna til þróunaraðstoðar í Víetnam. Eldi á pangasius-fiskinum hefur verið á meðal verkefna sem notið hafa þróunaraðstoðar Norðmanna.

Pangasius flæðir nú inn á evrópskan markað í meira mæli en nokkru sinni og ógnar hefðbundnum mörkuðum fyrir þorsk, ýsu og ufsa. Framleiðslan í Víetnam hefur aukist hröðum skrefum og framboðið í Evrópu í réttu hlutfalli við þá þróun. Verðið á pangasius-fiskinum er aðeins um fjórðungur þess sem þorskur er seldur á og veitingastaðir hafa notað hann í auknum mæli í fiskrétti.

Trond Davidsen, markaðsstjóri sambands norksra framleiðenda sjávarafurða, er hins vegar ekki sáttur við hvernig pangasius hefur verið markaðssettur og telur neytendur vísivitandi blekkta með áletrunum á umbúðum. Þar segir annars vegar „Það besta úr hafinu” og hins vegar „Ríkt af omega-3.”

Davidsen segir Norðmenn ekkert hafa á móti sanngjanri samkeppni en hér sé farið yfir strikið. „Báðar þessar staðhæfingar eru rangar,“ segir hann við IntraFish. „Fiskurinn hefur aldrei í sjó komið og flökin eru nánast algerlega laus við omega-3 fitusýrur.“

Frá þessu er skýrt á vef LÍÚ