mánudagur, 25. júní 2018
 
TölublöðVenjuleg útgáfa

Ákveðið að auka þorskkvóta um 20% í Barentshafi

17. október 2008 kl. 10:41

Samkomulag hefur náðst á milli Norðmanna og Rússa um að auka þorskkvóta í Barentshafi um 20% frá yfirstandandi ári.

Þetta kemur fram á vef LÍÚ.

Kvótinn verður 525.000 tonn fyrir árið 2009. Hlutdeild Íslands í leyfilegum heildarafla  þorsks er 1,85%, sem svarar til ríflega 9.700 tonna upp úr sjó.

Norðmenn og Rússar ákváðu hins vegar að fylgja tillögum Alþjóðahafrannsóknaráðsins, ICES, um 390.000 tonna loðnukvóta í Barentshafi. Þetta kom fram á vefsíðu sambands norskra útgerðarmanna, í gærkvöld.

Atle Vartdal, stjórnarmaður í Fiskebat og einn norsku samninganefndarmannanna, segir um 20% aukninguna að þar liggi traust vísindaleg rök að baki.

Því hafi verið vikið frá þeirri stjórnunarreglu fyrir næsta ár að kvóta mætti ekki auka um meira en 10%. Hann undirstrikar að reglunum verði fylgt á nýjan leik árið 2010.