miðvikudagur, 22. nóvember 2017
 
TölublöðVenjuleg útgáfa

Arnar Atlason, nýr formaður SFÚ

13. nóvember 2017 kl. 08:54

Samtökin leggja áherslu á að enginn ferskur fiskur verði fluttur úr landi án þess að hann hafi fyrst verið boðinn til sölu á opnum uppboðsmarkaði hér á landi.

Arnar Atlason, framkvæmdastjóri Tor fiskvinnslu, er nýr formaður Samtaka fiskframleiðenda og útflytjenda – SFÚ. Þessi niðurstaða var ljós á aðalfundi SFÚ sem var haldinn á laugardaginn. Hann var einn í framboði og var fagnað með lófataki. Jón Steinn Elíasson, sem stýrt hefur samtökunum í níu ár tók sæti í stjórn.

Allur fiskur á markað
Í fréttatilkynningu kemur fram að í ályktun aðalfundarinsfundarins er lögð áhersla á að enginn ferskur fiskur verði fluttur úr landi án þess að hann hafi fyrst verið boðinn til sölu á opnum uppboðsmarkaði hér á landi.

Jafnframt segir:

SFÚ skorar á stjórnvöld að skapa sjávarútveginum heilbrigt samkeppnisumhverfi með því að stuðla að réttri verðmyndun á afla. Slíkt stuðli að réttu uppgjöri útgerðar, rétti uppgjöri til sjómanna, réttum hafnargjöldum, réttum gjöldum til hins opinbera og réttu verði til neytenda.

 SFÚ skorar á stjórnvöld að tryggja meðlögum fjárhagslegan aðskilnað veiða og vinnslu, þar sem veiðarnar eru reknar í skjóli opinbers einkaleyfis eða verndar á sama tíma og vinnsluhlutinn er í frjálsri samkeppni. Ekki sé hægt að sýna fram á rétta rentu af auðlindinni á meðan hægt er að flytja arðinn af veiðum yfir á vinnslu.

SFÚ leggur áherslu á að meira hráefni skili sér inn á fiskmarkaðina og bendir á að mikilvægt er að ívilna útgerðum, sem landa afla á íslenskum fiskmörkuðum.