sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Bárður kominn með yfir 1.000 tonn

8. ágúst 2008 kl. 13:48

Netabáturinn Bárður SH frá Arnarstapa hefur náð þeim merka árangri á þessu kvótaári að hafa komið með yfir 1.000 tonn að landi, að því er fram kemur á vef Skessuhorns. Báturinn er aðeins um 20 tonn að stærð og aðeins þrír menn í áhöfn.

Í tilefni af þessum áfanga færði Fiskmarkaður Íslands áhöfninni vel skreytta rjómatertu með mynd af bátnum. Voru tertunni gerð góð skil en áhöfnin neitaði þó að skera í myndina af bátnum. Pétur Pétursson skipstjóri og útgerðarmaður Bárðar SH segir í samtali við Skessuhorn að í haust hafi aflinn verið frekar tregur en eftir áramót hafi verið mokafli. “Við höfum verið hér á Arnarstapa og svo róið frá Ólafsvík. Það er sama hvar trossurnar eru lagðar, það er alls staðar fiskur þvert á spár fiskifræðinga.“

Pétur segir einnig að hann skipti ekki oft um net. “Ég var með eina trossu í 40 daga og hún var orðin gegnum slitin. Þegar við tókum hana í land voru 800 kíló í henni. Alls fiskuðust um 35 tonn í þessa trossu sem þykir gott,“ segir Pétur.