fimmtudagur, 18. október 2018
 
TölublöðVenjuleg útgáfa

Bátur til gildruveiða á humri og krabba

2. júní 2017 kl. 10:51

Báturinn frá Trefjum sem seldur hefur verið til Skotlands.

Nýr bátur frá Trefjum til Skotlands.

Bátasmiðjan Trefjar í Hafnarfirði núna á dögunum nýjan Cleopatra bát til Burnmouth á austurströnd Skotlands. Að útgerðinni stendur John Affleck sjómaður frá Burnmouth sem jafnframt er skipstjóri á bátnum.

Nýi báturinn hefur hlotið nafnið Soph-Ash-Jay-2.  Báturinn er 15 brúttótonn.  Soph-Ash-Jay-2 er af gerðinni Cleopatra 40.  Báturinn er þriðji báturinn sem Trefjar afhenda útgerðinni. Annar af eldri bátun útgerðarinnar Cleopatra 38 sem útgerðin fékk afhendann 2008 verður áfram í rekstri.  Nýi báturinn mun leysa af hólmi eldri og minni Cleopatra 33 bát frá 2003.

Sjálfvirkt sjóúðunarkerfi 

Báturinn er útbúinn til gildruveiða á humri og töskukrabba.  Reiknað er með að báturinn muni draga 1000gildrur á dag. Í fiskilest bátsins er sjálfvirkt sjóúðunarkerfi til að halda humri lifandi um borð. 

Aðalvél bátsins er af gerðinni FPT C13 650hp tengd ZF 325IV gír. Báturinn er útbúinn 17kW rafstöð af gerðinni Westerbeke.  Siglingatæki koma frá Simrad.  Báturinn er með uppsettar Olex og MaxSEA skipstjórnartölvur.Hann einnig útbúin með vökvadrifinni hliðarskrúfu sem tengd er sjálfstýringu bátsins.  Í bátnum er andvelti gýrókúla. 

Rými er fyrir 17stk 380lítra kör í lest.  Í vistarverum er, svefnpláss fyrir þrjá til fjóra auk eldunaraðstöðu með eldavél, örbylgjuofn og ísskáp.

Að sögn útgerðarinnar mun báturinn verða gerður út frá Burnmouth allt árið, báturinn hefur þegar hafið veiðar.