sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Breskir makrílbátar raka saman peningum í Noregi

18. janúar 2009 kl. 09:00

Skoska uppsjávarskipið Altaire hefur landað makríl í Noregi fyrir um 40 milljónir norskra króna, eða um 736 milljónir íslenskar, á rétt rúmum hálfum mánuði nú í janúar, að því er fram kemur á vef norska blaðsins Fiskeribladet/Fiskaren.

Skipið landaði 1.950 tonnum af makríl í Noregi fyrstu dagana í janúar. Það var síðan á leið til löndunar í Noregi í annað sinn í lok vikunnar með um 2.000 tonn af makríl.

Breskir makrílbátar sigla nú í löngum röðum frá miðunum rétt norður af Skotlandi til löndunar í Noregi og raka saman peningum á því að leggja upp afla sínum þar. Það sem af er janúar hafa bresk skip landað 21.200 tonnum af makríl í Noregi að verðmæti 200 milljónir norskra króna, eða 3,7 milljarðar íslenskar. Meðalverðið á kíló á makrílnum er um 10 krónur norskar, eða 184 krónur íslenskar.