sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Breytt framkvæmd við útflutning á óvigtuðum fiski

30. janúar 2009 kl. 14:51

tekur gildi 1. febrúar

Í desember var samþykkt á Alþingi breyting á lögum nr. 57/1996 um umgengni nytjastofna sjávar. Breytingin felur meðal annars í sér að allur óvigtaður afli sem ætlaður er til útflutnings skuli boðinn upp hér á landi áður en aflinn er færður í flutningsfar eða skip sem siglir með afla leggur af stað af miðum. Breytingin tekur gildi á sunnudag, 1. febrúar 2009, að því er fram kemur á vef Fiskistofu.

Útflytjendur tilkynna eftir sem áður sömu upplýsingar á sömu tímafrestum á vefsíðu Fiskistofu. Upplýsingar flytjast svo þaðan yfir til Fjölnets fiskmarkaðanna þar sem nánari uppboðslýsingar, þegar þær liggja fyrir, ásamt lágmarksverði sem ætlast er til fyrir aflann, eru skráðar inn. Nánari útfærsla á þessu er í höndum fiskmarkaðanna. Sjávarútvegs- og landbúnaðarráðuneytið vinnur að birtingu reglugerðar til stuðnings lagabreytingarinnar og verður hún birt á vef Fiskistofu um leið og hún liggur fyrir.

Lögin má sjáHÉR