sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Chile: Mafían stelur laxi fyrir milljarða

18. janúar 2010 kl. 12:03

Í Chile, sem er næststærsti framleiðandi á eldislaxi í heiminum, stunda skipulögð glæpasamtök umfangsmikinn þjófnaður á laxi. Talið er að stolið sé laxi fyrir jafnvirði 6-7 milljarða íslenskra króna á ári.

Þjófnaðurinn jafngildir 4% af ársframleiðslu á eldislaxi í landinu eða 12.000 tonnum. Hér er um lágmarkstölur að ræða miðaðar við árið 2009, en það ár dróst framleiðslan verulega saman vegna sjúkdóma í eldinu.

Þetta kemur fram í chileanska dagblaðinu El Llangquihue og er byggt á tölum frá samtökum laxeldisfyrirtækja, SalmonChile.

Í frétt á sjávarútvegsvefnum IntraFish segir að Norðmenn sem ferðast hafi um laxafylkin í Suður-Chile hafi tekið eftir strangri varðgæslu við laxeldiskvíar af þessum sökum.

Þjófnaðurinn er bæði úr eldiskvíunum sjálfum og eins er setið fyrir flutningabílum á vegum landsins. Í sumum tilfellum er lögreglu mútað til að láta þjófnaðinn afskiptalausan.

Sumir mafíuhóparnir starfrækja eigin framleiðslufyrirtæki til þess að vinna fiskinn áður en þeir setja hann á markað. Jafnvel er stolið laxi sem á að eyða vegna sjúkdóma og hann reyktur áður en honum er dreift á heimamarkaði.