þriðjudagur, 18. september 2018
 
TölublöðVenjuleg útgáfa

Einn smábátur hér veiðir ársafla Möltu

23. desember 2008 kl. 12:38

Friðrik J. Arngrímsson, framkvæmdastjóri LÍÚ, sagði á fundi auðlindahóps Evrópunefndar Sjálfstæðisflokksins í Valhöll í gær að óraunhæft væri að bera saman sjávarútveg á Íslandi og á Möltu, að því er fram kemur á vef LÍÚ.

Hann sagði að raunhæfara væri að horfa til Norðmanna með samanburð. Þeir hefðu ekki fengið neinar varanlegar undanþágur í samningaviðræðum við Evrópusambandið árið 1994.

Stuðningsmenn aðildar Íslands að Evrópusambandinu hafa vísað til þeirra undaþága sem Malta fékk fyrir sinn sjávarútveg í aðildarsamningnum við ESB. Fram kom í ræðu Friðriks að heildarafli Maltverja hefði verið 1348 tonn árið 2006.

Það er ívíð meira en smábáturinn Bárður SH 81 veiddi á síðasta fiskveiðiári. Bárður var þá 13,43 m langur aflamarksbátur, 19,67 brúttólestir að stærð. Þriggja manna áhöfn er á Bárði.