miðvikudagur, 18. júlí 2018
 
TölublöðVenjuleg útgáfa

Ekkert meira af loðnu sést við Snæfellsnes

18. mars 2008 kl. 14:07

Ekki hefur ennþá orðið vart við neitt meira af loðnu við Snæfellsnes, þar sem Sighvatur Bjarnason VE fékk 400 tonn af hrognaloðnu í gær í tveimur köstum. Fjögur loðnuskip eru mætt á svæðið og fleiri á leiðinni.

Skipin sem komin eru á miðin eru auk Sighvats Bjarnasonar VE þau Kap VE, Álsey VE og Krossey SF. Auk þess er Jóna Eðvalds SF á leiðinni og sama mun einnig gilda um Börk NK og Áskel EA eftir því sem næst verður komist.

Eins og fram hefur komið rambaði Sighvatur Bjarnason VE á hrognaloðnu skammt utan við Öndverðarnes í gær og reyndist hún eiga nokkra daga eftir í hrygningu. Af þeim sökum þótti mjög sennilegt að loðnan væri úr vestangöngu. Síðan þá hefur ekkert sést eins og áður sagði.