sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Ekki gert ráð fyrir veiðum innan færeyskrar lögsögu

19. desember 2018 kl. 14:10

Beitir NK að dæla 500 tonnum af kolmunna. Mynd/Síldarvinnslan

Reglugerðir um heildarkvóta Íslands í kolmunna og norsk-íslenskri síld fyrir árið 2019 liggja fyrir - 241.000 tonna kolmunnakvóti og 98.000 tonna kvóti í norsk-íslenskri síld er niðurstaðan. Sjávarútvegsráðherra lýsir yfir áhyggjum af ofveiði stofnanna.

Kristján Þór Júlíusson, sjávarútvegs- og landbúnaðarráðherra, undirritaði í dag reglugerðir um heildarkvóta Íslands í kolmunna og norsk-íslenskri síld fyrir árið 2019. Ekki er í reglugerðunum gert ráð fyrir heimild til handa íslenskum skipum til veiða á kolmunna og norsk-íslenskri síld í færeyskri lögsögu árið 2019.

241.000 tonna kvóti fyrir kolmunna

Ráðlögð heildarveiði á kolmunna árið 2019 samkvæmt ráðgjöf Alþjóða hafrannsóknaráðsins (ICES) er 1.143.629 tonn og er það tæplega 18% lækkun frá 2018.

Hlutur Íslands samkvæmt kolmunnasamningi frá 2005 var 16,23%. Undanfarin ár hafa bæði Færeyjar og Evrópusambandið aukið hlut sinn í kolmunna um ríflega 47%. Ákvörðun Íslands um 241.000 tonna kvóta miðast við vegna meðalhækkun annarra ríkja og er hlutdeildin því 21,1%.

97.996 tonna kvóti fyrir norsk-íslenska síld

Ráðlögð heildarveiði á norsk-íslenskri síld árið 2019 er 588.562 tonn og er það 53% aukning frá 2018. Þessi aukning er tilkomin þrátt fyrir lakari stöðu stofnsins og skýrist hún af nýrri langtímanýtingarstefnu sem felur í sér hærri veiðidánarstuðul og lægri viðbragðsmörk fyrir hrygningarstofninn. Tekið skal fram að Ísland varaði við þessari breytingu á strandríkjafundi í haust.

Hlutur Íslands samkvæmt síldarsamningi frá 2007 var 14,51%. Á síðustu tveimur árum hafa Norðmenn aukið hlutdeild sína úr 61% í 70%. Ákvörðun Íslands um 97.996 tonna kvóta samsvarar hlutfallslegri hækkun Norðmanna.

Kristján Þór Júlíusson, sjávarútvegs- og landbúnaðarráðherra, segir eftirfarandi í tilkynningu ráðuneytisins:

„Það er vissulega áhyggjuefni að ofveiði úr báðum þessum stofnum skuli halda áfram, sérstaklega úr síldarstofninum. Ísland hefur tekið mikið frumkvæði í því að reyna að þoka áfram málum varðandi samninga milli strandríkjanna í þessum stofnum og við munum halda því áfram. En meðan ekki næst samkomulag hljótum við að verja hlut Íslands eins og kostur er og við það miðast þessar kvótaákvarðanir.“