föstudagur, 21. september 2018
 
TölublöðVenjuleg útgáfa

Endurskoðuð ráðgjöf vegna rækju í Ísafjarðardjúpi

9. mars 2018 kl. 14:46

Rækja (Mynd: Kristinn Benediktsson)

Hafrannsóknastofnun hefur í samvinnu við heimamenn kannað ástand rækju í Ísafjarðardjúpi og ráðleggur nú veiðar á 322 tonnum.

Hafrannsóknastofnun ráðleggur veiðar á 322 tonnum af rækju í Ísafjarðardjúpi fiskveiðiárið 2017/2018. Þetta kemur fram í tilkynningu frá stofnuninni.

Stofnunin kannaði í samvinnu við heimamenn ástand rækju í Ísafjarðardjúpi í febrúar sl. Veiðistofnsvísitala rækju mældist hærri en í nóvember og var yfir varúðarmörkum.

Nánari upplýsingar um niðurstöður stofnmælingarinnar og forsendur ráðgjafar má nálgast á vef Hafrannsóknastofnunar.