laugardagur, 17. nóvember 2018
 
TölublöðVenjuleg útgáfa

Eyjarnar með 3.000 tonna ýsuafla

12. ágúst 2018 kl. 15:00

Skip Bergs-Hugins hafa fiskað vel það sem af er ári. Ljósm. Guðmundur Alfreðsson

Þrjú skip Síldarvinnslunnar með mestan ýsuafla á fiskveiðiárinu.

Ísfisktogararnir Vestmannaey VE og Bergey VE hafa nú veitt um 3.000 tonn af ýsu það sem af er yfirstandandi fiskveiðiári, en það eru hátt í 10% af heildarýsukvótanum. Vestmannaey og Bergey eru gerð út af útgerðarfélaginu Bergur-Huginn sem er dótturfélag Síldarvinnslunnar.

 Í frétt á heimasíðu Síldarvinnslunnar segir að í júlímánuði síðastliðnum var ágætur ýsuafli hjá skipunum en Eyjarnar komu þá með um 430 tonn af ýsu að landi og þriðja Síldarvinnsluskipið, Gullver NS, kom með 85 tonn að auki.

Samkvæmt Fiskistofu eru þrjú aflahæstu skipin í ýsu það sem af er fiskveiðiárinu Síldarvinnsluskip. Vestmannaey og Bergey hafa fiskað um 1.450 tonn hvort skip og Gullver 670 tonn.