föstudagur, 22. mars 2019
 

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi

Leggja til fullgildingu samnings um Norður-íshafið

Samningurinn var undirritaður hinn 3. október 2018 í Ilulissat á Grænlandi. Auk Íslands var samningurinn undirritaður af Bandaríkjunum, Danmörku f.h. Grænlands, Japan, Kanada, Kína, Noregi, Rússlandi og Suður-Kóreu auk ESB.

Grænlendingar virðast sáttir við hærri veiðigjöld

Tekjur Grænlands af veiðigjöldum hækka mikið með nýju kerfi. Grænlensk útgerðarfyrirtæki greiddu samtals jafnvirði 7,3 milljarða íslenskra króna í veiðigjöld á síðasta ári.


TölublöðVenjuleg útgáfa

"Felst enginn ávinningur í að gera út fleiri báta en þörf er fyrir"

9. september 2009 kl. 17:20

Viðtal við Rögnvald Hannesson, prófessor í fiskihagfræði

„Svo virðist sem íslensk stjórnvöld vilji skipta um stefnu og afnema kvótakerfið. Það væri það heimskasta sem þau gætu gert. Það felst enginn ávinningur í því að gera út fleiri báta en þörf er fyrir,“ segir Rögnvaldur Hannesson, prófessor í fiskihagfræði við Verslunarháskóla Noregs í Björgvin, í viðtali í nýjasta eintaki fréttablaðsins Northern Fisheries, sem gefið er út af Norræna ráðherraráðinu.

Þetta kemur fram á vef LÍÚ en viðtalið er þar birt í heild sinni.

Í viðtalinu ræðir Rögnvaldur m.a. um hugmyndir stjórnvalda um fyrningarleið aflaheimilda og frjálsar strandveiðar. Hann vísar til strandveiðanna og segir að forðast beri ákvarðanir sem einkennist af lýðskrumi.

„Mistök af þessum toga hafa á liðnum árum eyðilagt stóran hluta þess ávinnings sem kvótakerfið hefði getað skapað,“ segir Rögnvaldur.

Þá segir Rögnvaldur jafnframt að fiskveiðistjórnunarkerfi með framseljanlegum aflaheimildum sé lykill að þeim árangri sem náðst hefði við stjórn veiða og uppbyggingu fiskistofna.

Viðtalið við Rögnvald má sjá hér í heild sinni.