sunnudagur, 21. apríl 2019
 
TölublöðVenjuleg útgáfa

Fiskistofa segir skýrslu Ríkisendurskoðunar vandaða

23. janúar 2019 kl. 15:30

Fiskistofa

Fiskistofa segir að í skýrslu Ríkisendurskoðunar á eftirliti stofnunarinnar hnykkja á fjölmörgum atriðum sem starfsmenn Fiskistofu hafi sjálfir ítrekað bent á.

Stjórnendur Fiskistofu telja skýrslu Ríkisendurskoðunar á eftirlitshlutverki stofnunarinnar vandaða og að hún bendi réttilega á margvíslega erfiðleika sem við er að etja vegna eftirlits með fiskveiðum.

Þetta kemur fram í frétt á heimasíðu Fiskistofu en stjórnsýsluúttekt Ríkisendurskoðunar sem birt var nú eftir áramótin hefur verið til umræðu í fjölmiðlum undanfarna daga.

Þar segir að stjórnendur Fiskistofu hafa ítrekað bent á þennan vanda.

„Það kemur réttilega fram í skýrslunni að starfsmönnum Fiskistofu hefur fækkað um 29 prósent frá árinu 2008 samhliða því að verkefnum hefur fjölgað. Þá hefur Fiskistofa enn fremur bent á að bæta þurfi regluverkið til þess að styrkja stofnunina í hlutverki sínu. Endurskoða þurfi reglur um vigtun sjávarafla og hvernig meta skuli tengsl fyrirtækja með tilliti til þess hvort einstakir aðilar ráði yfir stærri hlut veiðiheimilda en leyfilegt er samkvæmt lögum,“ segir í fréttinni.