mánudagur, 17. desember 2018
 
TölublöðVenjuleg útgáfa

Fiskverð lækkar í kjölfar styrkingu krónunnar

8. desember 2008 kl. 12:51

Meðalverð á óslægðum þorski á síðustu þremur vikum var 317 kr/kg sem er með því hæsta sem sést hefur.

Hæst var kílóaverðið 20. nóvember 345 kr. en lægst var það sl. föstudag eða 263 kr. á þessu þriggja vikna tímabili.

Ekki er ólíklegt að mikil styrking krónunnar sé strax farið að gæta þar sem meðalverð á óslægðum þorski á föstudag var 13,5% lægra en daginn áður.

Frá þessu er skýrt á vef Landssambands smábátaeigenda.

Sams konar verðsveifla var á óslægðri ýsu. 154 krónur fengust fyrir kílóið sl. föstudag sem er 30 krónum lægra en daginn áður.

Eins og í þorskinum er verðið á föstudaginn það lægsta sem sést hafði á sl. 3 vikum.

Hæst fór óslægða ýsan á þessu tímabili í 236 kr, miðvikudaginn 19. nóvember. Meðalverðið á tímabilinu var 193 kr/kg.