fimmtudagur, 20. september 2018
 
TölublöðVenjuleg útgáfa

Fullfermi í þremur stuttum holum

10. september 2018 kl. 11:40

Börkur NK. Mynd/Hákon Ernuson

Góð makrílveiði í Smugunni.

Síðustu daga hefur verið góð makrílveiði í Smugunni, segir í frétt á heimasíðu Síldarvinnslunnar í Neskaupstað.

Þar segir ennfremur:

Um helgina tóku skipin stutt hol og fengu gjarnan góðan afla. Börkur NK er á landleið með 1.200 tonn sem fengust í þremur stuttum holum. Hann er væntanlegur til Neskaupstaðar um hádegisbil í dag. Í kjölfar hans kemur Bjarni Ólafsson AK. Afli hans er 600 tonn sem fengust í tveimur holum. Beitir NK er á leiðinni á miðin eftir að hafa landað 1.500 tonnum. Allur afli skipanna fer til manneldisvinnslu.

Frystiskipin Vilhelm Þorsteinsson EA og Hákon EA hafa með reglulegu millibili landað frystum makríl í frystigeymslur Síldarvinnslunnar. Bæði skip lönduðu til dæmis sl. laugardag, Vilhelm 480 tonnum og Hákon 645 tonnum.

Þá er frystum makríl einnig skipað út með reglulegu millibili. Nú er skip í höfninni sem er að lesta 1.000 tonn og í þar síðustu viku var skip sem lestaði 4.500 tonn af makríl, loðnu og síld. Þá er makríll sífellt settur í frystigáma sem fluttir eru út með skipum frá Reyðarfirði. Það fara nokkur hundruð tonn með gámum í hverri viku.