þriðjudagur, 19. september 2017
 
TölublöðVenjuleg útgáfa

Fyrsti makríllinn til Neskaupstaðar

12. júlí 2017 kl. 14:56

Makríllinn stóri og myndarlegi. (Mynd af vef SVN)

Vilhelm Þorsteinsson EA með um 700 tonn upp úr sjó

Vilhelm Þorsteinsson EA kom til Neskaupstaðar í gær og landaði þar fyrsta makrílfarminum á vertíðinni fyrir austan.

Afli skipsins var 700 tonn upp úr sjó og þar af voru 480 tonn fryst um borð. Guðmundur Jónsson skipstjóri sagði að veiðin hefði verið heldur döpur.

„Við hófum veiðar á Breiðdalsgrunni og héldum síðan vestur eftir og enduðum við Vestmannaeyjar. Austur frá var aflinn nokkuð síldarblandaður en vestast fengum við hreinan makríl. Það var enginn kraftur í þessu en fiskurinn sem fékkst var góður; stór og fínn makríll, lítilsháttar áta í honum en fituprósentan var 18-20%. Helsti gallinn er sá að það var ekki nóg af honum á þeim slóðum sem við vorum á en nú munu brátt fleiri skip halda til veiða og þá skýrist allt betur,“ sagði Guðmundur.