föstudagur, 22. mars 2019
 

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi

Leggja til fullgildingu samnings um Norður-íshafið

Samningurinn var undirritaður hinn 3. október 2018 í Ilulissat á Grænlandi. Auk Íslands var samningurinn undirritaður af Bandaríkjunum, Danmörku f.h. Grænlands, Japan, Kanada, Kína, Noregi, Rússlandi og Suður-Kóreu auk ESB.

Grænlendingar virðast sáttir við hærri veiðigjöld

Tekjur Grænlands af veiðigjöldum hækka mikið með nýju kerfi. Grænlensk útgerðarfyrirtæki greiddu samtals jafnvirði 7,3 milljarða íslenskra króna í veiðigjöld á síðasta ári.


TölublöðVenjuleg útgáfa

Fyrsti síldarfarmurinn til Vopnafjarðar

4. júlí 2008 kl. 12:36

Fiskmjölsverksmiðja HB Granda á Vopnafirði tók við fyrsta síldarfarminum í fyrradag er Ingunn AK kom þangað með um 1100 tonna farm.

Var það afli Ingunnar AK og Faxa RE en skipin hafa verið saman á síldveiðum með eitt troll.

Sveinbjörn Sigmundsson verksmiðjustjóri á Vopnafirði segir síldina vera býsna góða þótt í henni hafi verið átuvottur.

,,Síldin er feitari en ég átti von á. Við sendum sýni til fitumælinga hjá Matís nú í morgun og væntanlega fáum við niðurstöður mælinganna fyrir helgi,“ segir Sveinbjörn.

Hann upplýsir að um 35% farmsins hafi verið makríll.

,,Makrílinn er stór og mjöl vel á sig kominn. Mín tilfinning er sú að ef hægt er að halda makrílnum aðskildum frá síldinni og kæla hann vel niður, þá væri hægt að nýta þennan afla í frystingu,“ segir Sveinbjörn en hann áætlar að lokið verði við að bræða aflann í nótt en afköstin í bræðslunni eru um 650-700 tonn á sólarhring.

Ingunn AK var komin á miðin að nýju í fyrrinótt en að sögn Sveinbjörns byrjuðu skipin að toga í Rósagarðinum. Þangað er um 140 sjómílna sigling frá Vopnafirði. Bræla var á miðunum í fyrrakvöldi og fram eftir nóttu en í gærmorgun gekk veðrið niður og er það nú ágætt.

Frá þessu er skýrt á heimasíðu HB Granda