sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

"Gagnrýni á dragnótaveiðar jaðrar við ofsóknir"

25. janúar 2010 kl. 09:49

Gylfi Þ. Gunnarsson, útgerðarmaður í Grímsey, er ómyrkur í máli í garð Jóns Bjarnasonar, sjávarútvegsráðherra, vegna þeirra hugmynda um verndun grunnslóðar sem kynntar voru fyrir rúmri viku. Gylfi telur ráðuneytið hér beina spjótum sínum að veiðum með dragnót þótt nýleg rannsókn Hafrannsóknastofnunarinnar í Skagafirði sýni að áhrif dragnótaveiða á lífríki hafsbotnins séu ekki marktæk.

„Ráðherra kaus að skjóta þessari skýrslu undir stól enda var niðurstaða hennar örugglega ekki í þeim anda sem hann hafði vonast eftir," segir Gylfi á vef LÍÚ, en hann hefur sjálfur einmitt stundað dragnótaveiðar fyrir úti Norðurlandi, m.a. í Skagafirði. Í tilkynningu ráðuneytisins er rætt um að setja af stað verkefni þar sem kannaðir yrðu kostir þess að takamarka veiðar „afkastamikilla skipa á grunnslóð," eins og það er orðað. Hann telur grundvöll verkefnisins byggt á loðnum forsendum og spyr: „Hvað eru afkastamikil veiðarfæri og við hvað er þá miðað?"

Gylfi segir viðmótið í garð þeirra sem gera út á dragnót gersamlega óþolandi. „Þessi gagnrýni á dragnótaveiðar jaðrar við ofsóknir. Af hverju horfast menn ekki í augu við staðreyndir? Þær eru að 75-80% allra skyndilokana veiðisvæða eru vegna smáfiskadráps krókabáta, ekki vegna veiða í dragnót," segir Gylfi.

Hann varpar því fram hvort ekki sé kominn tími til að kanna áhrif þess á lífríkið að hér séu tugþúsundir króka í sjó á grunnslóð allan ársins hring. „Gleymum því ekki að allur þessi smáfiskur sem sem drepinn er með krókaveiðunum nær aldrei að hrygna. Stærstur hluti hans kemur ekki einu sinni fyrir augu eftirlitsmanna, sem grípa ekki til lokana fyrr en þeir fylgjast með löndun á bryggjunni."