sunnudagur, 27. maí 2018
 
TölublöðVenjuleg útgáfa

Gefa út öryggishandbók á netinu

7. febrúar 2018 kl. 12:41

Stofnaður var sérstakur öryggishópur með fulltrúum frá aðildarfyrirtækjum SFS sem sá um gerð handbókarinnar.

Samtök fyrirtækja í sjávarútvegi (SFS) hafa gefið úr öryggishandbók á netinu. Bókinni er ætlað að vera uppflettirit fyrir starfsfólk sem sinnir öryggismálum í fiskvinnslum.

Frá þessu er sagt á heimasíðu samtakanna.

Strax í upphafi vinnunnar var ákveðið að bókin yrði þar aðgengileg, þar sem stjórnendur, öryggisstjórar eða öryggisfulltrúar hjá sjávarútvegsfyrirtækjum gætu nálgast hana.

Þar segir að SFS leggi mikla áherslu á að aðildarfyrirtæki samtakanna sinni öryggis-, heilbrigðis- og vinnuverndarmálum, með það að leiðarljósi að fækka slysum og óhöppum í atvinnugreininni og hafa fyrirtækin hlúð vel að þeim þætti á undanförnum árum.

Stofnaður var sérstakur öryggishópur með fulltrúum frá aðildarfyrirtækjum SFS sem sá um gerð handbókarinnar. Ráðgjafi var verkfræðistofan Verkís sem vann náið með öryggishópnum.Efni bókarinnar byggist á almennu efni um öryggismál, ásamt áhættu¬mati og upplýsingum frá fyrirtækjunum sjálfum. Leitað var til fjölmargra aðila um efni svo sem Samorku, Landsnets, Orkuveitu Reykjavíkur, RARIK, Umhverfis¬stofnunar, Rauða kross Íslands og fleiri.

Rannsóknarsjóður Síldarútvegsins styrkti verkefnið. 

Öryggishandbókina má nálgast hér.