laugardagur, 17. nóvember 2018
 
TölublöðVenjuleg útgáfa

Gott verð fyrir grásleppuhrognin

27. mars 2009 kl. 09:43

Grásleppuvertíðin glæðir smærri staðina lífi

Frá Bakkafirði og Vopnafirði berast þær fréttir að grásleppuvertíðin hafi gætt staðina iðandi mannlífi. Tólf bátar róa á grásleppu frá Bakkafirði og álíka margir frá Vopnafirði og skila þeir fjölmörgum fjölskyldum góðum tekjum. ,,Grásleppan er eini fiskurinn sem kvótakerfið nær ekki til svo nú sjáum við hvernig allt væri umhorfs í sjávarbyggðum landsins ef það kerfi hefði ekki komið til," segir Oddur V. Jóhannsson grásleppusjómaður búsettur á Vopnafirði en gerir út frá Bakkafirði í samtali við vefinn langanesbyggd.is.

Hann segir að iðandi mannlíf sé á báðum þessum stöðum þessa dagana þar sem grásleppuvertíðin sé gengin í garð. „Við byrjuðum 10. mars og erum að detta í fjögur tonn," segir Oddur en hann er í áhöfn á Ás NS sem er aflahæsti báturinn þar norðvestra.

Það slær ekki á kæti hans að gott verð fæst fyrir hrognin. „Við fengum 650 evrur á tunnuna í fyrra og það er eitthvað aðeins hærra núna. Við erum að hagnast á því að Kanadamenn hafa til allrar hamingju verið að slá slöku við en þeir settu hátt í 30 þúsund tunnur á markað fyrir nokkrum árum og þá fékkst nú ekki mikið fyrir hana. Nú eru þeir með um tvö þúsund tunnur." Oddur segir að tólf bátar rói á grásleppumið frá Bakkafirði og álíka margir frá Vopnafirði og því sé grásleppuvertíðin veruleg búbót fyrir fjölmargar fjölsk