föstudagur, 22. mars 2019
 

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi

Leggja til fullgildingu samnings um Norður-íshafið

Samningurinn var undirritaður hinn 3. október 2018 í Ilulissat á Grænlandi. Auk Íslands var samningurinn undirritaður af Bandaríkjunum, Danmörku f.h. Grænlands, Japan, Kanada, Kína, Noregi, Rússlandi og Suður-Kóreu auk ESB.

Grænlendingar virðast sáttir við hærri veiðigjöld

Tekjur Grænlands af veiðigjöldum hækka mikið með nýju kerfi. Grænlensk útgerðarfyrirtæki greiddu samtals jafnvirði 7,3 milljarða íslenskra króna í veiðigjöld á síðasta ári.


TölublöðVenjuleg útgáfa

Grálúða og karfi fyrir Asíumarkað

14. ágúst 2018 kl. 13:51

Anna EA hefur aflað vel af grálúðu í sumar. Ljósm. Smári Geirsson

Anna EA veiðir grálúðu í net

Fiskiðjuver Síldarvinnslunnar í Neskaupstað hefur í sumar unnið talsvert af grálúðu og karfa fyrir Asíumarkað. Fyrst og fremst hefur verið byggt á vinnslu grálúðunnar.

Karfinn hefur verið heilfrystur en grálúðan er hausskorin, hreinsuð og síðan fryst. Þessi vinnsla hófst í aprílmánuði sl. og er fyrst og fremst hugsuð til að fylla upp í þá eyðu sem myndast frá því að loðnuvertíð lýkur og þar til makrílvertíð hefst, en margir starfsmenn fiskiðjuversins taka sér frí frá störfum þegar ekki er verið að vinna uppsjávartegundir.

Nú, þegar makríllinn hefur látið bíða eftir sér, kemur sér vel að taka grálúðuna til vinnslu og landaði Anna EA um 60 tonnum sl. föstudag og er aftur væntanleg í dag með svipaðan afla. Anna hefur veitt grálúðuna í net fyrir norðan og norðaustan land í sumar og hefur afli hennar verið unnin í Neskaupstað.

Jón Gunnar Sigurjónsson, yfirverkstjóri í fiskiðjuverinu, segir að grálúðuvinnslan hafi gengið vel. „Þessi vinnsla hefur verið kærkomin fyrir okkur og afköstin eru um 60 tonn á dag. Lúðan kemur sporðskorin til okkar, en hún er blóðguð með því að sporðskera hana.  Ég held að Anna eigi eftir einn túr þegar löndun verður lokið í dag,“ segir Jón Gunnar.