miðvikudagur, 19. desember 2018
 
TölublöðVenjuleg útgáfa

Grásleppuhrogn skiluðu 1,4 milljörðum

7. febrúar 2009 kl. 09:09

Útflutningsverðmæti grásleppuhrogna á síðasta ári nam alls 1.371 milljón króna, sem er mesta verðmæti í sögu veiðanna.

Annars vegar eru það söltuð hrogn til kavíarvinnslu erlendis að verðmæti 561 milljón króna og hins vegar fullunnin vara, grásleppukavíar,  fyrir 810 milljónir.

Heildarveiðin á vertíðinni 2008 var vel yfir meðallagi, en alls voru söltuð grásleppuhrogn í 11.661 tunnu.  Rúmur helmingur veiðinnar fór til útflutnings sem söltuð hrogn eða 6.356 tunnur.

Frá þessu er skýrt á vef Landssambands smábátaeigenda.