sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Grásleppukarlar á Íslandi veiddu mest

28. október 2009 kl. 12:45

Grásleppuveiðar við Norður-Atlantshaf á þessu ári skiluðu samtals 23 þúsund tunnum af grásleppuhrognum. Grásleppukarlar á Íslandi voru stórtækastir með 11.500 tunnur, þar á eftir komu Grænlendingar með 7.000 tunnur, Norðmenn söltuðu niður í 2.800 tunnur og afrakstur sjómanna á Nýfundnalandi var aðeins eitt þúsund tunnur.

Allar þjóðirnar voru með takmarkanir á veiðum sínum til þess að hafa hemil á hrognaframboði inn á markaðinn. Hérlendis takmarkast veiðarnar við 50 daga en þeim var fjölgað um 12 á vertíðinni. Grænlendingar binda veiðarnar við atvinnumenn, Norðmenn stjórna með hámarksafla á bát og á Nýfundnalandi eru veiðar aðeins leyfðar 14 daga á hvern bát.

Nýfundnaland hefur alla jafna verið meðal stærstu grásleppuveiðiþjóða en í ár hrundi aflinn algjörlega eins og áðurnefndar veiðitölur vitna um.

Þessar upplýsingar komu fram í ræðu Arnar Pálssonar framkvæmdastjóra Landssambands smábátaeigenda á aðalfundi samtakanna nýverið. Þar var einnig upplýst 279 bátar hefðu stundað veiðarnar hérlendis sem var 50 leyfum meira en í fyrra.