sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Guðmundur VE landaði afla fyrir 100 milljónir króna

14. október 2008 kl. 09:55

Síðastliðinn fimmtudag landaði Guðmundur VE í Sortlandi í Noregi um 750 tonnum af frystum síldarafurðum.

Áætlað aflaverðmæti veiðiferðarinnar er um 100 milljónir króna, en bent er á það á heimasíðu Ísfélags Vestmannaeyja að erfitt er að segja með vissu hvert verðmætið er í íslenskum krónum við núverandi aðstæður á fjármálamörkuðum.

Júpíter ÞH og Þorsteinn ÞH voru við partrollsveiðar í Jan Mayen lögsögunni í síðustu viku að veiða norsk-íslenska síld. Þeir lönduðu saman um 1.800 tonnum um helgina á Þórshöfn.

Álsey VE hélt til veiða á norsk-íslenskri síld í fyrradag. Veiðar á heimasíldinni hefjast í lok október.

Því má svo bæta við að Suðurey VE landaði í síðustu viku á Grundarfirði um 100 körum af blönduðum afla.