mánudagur, 26. júní 2017
 
TölublöðVenjuleg útgáfa

Heildarafli á föstu verði dróst saman um 2,6% árið 2008

14. janúar 2009 kl. 09:11

Heildarafli íslenskra skipa á föstu verði dróst saman um 2,6% á árinu 2008 miðað við árið 2007, að því er fram kemur í frétt á vef Hagstofu Íslands. Í desembermánuði 2008 var aflinn hins vegar metinn 10% meiri en í desember 2007.

Afli á föstu verði er reiknaður út til þess að finna breytingu á verðmæti heildaraflans að gefinni þeirri forsendu að verðhlutföll milli einstakra fisktegunda séu þau sömu og á ákveðnu viðmiðunarári sem hér er árið 2004. Hér er því um að ræða hliðstæðu við umreikning á afla yfir í þorskígildi. Aflinn í tonnum sýnir hins vegar magn aflans án tillits til þess að fisktegundir eru misjafnlega verðmætar.

Sjá nánar á vef Hagstofunnar,HÉR