sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Helmingur uppsjávarflotans stefnir á gulldepluna

29. janúar 2009 kl. 10:06

Aflinn 4 þúsund tonn

Þokkalegur gangur er í veiðum á gulldeplu hjá þeim þrem skipum sem komin eru á þessar veiðar. Heildaraflinn er um 4 þúsund tonn. Um helmingur uppsjávarflotans býr sig undir að stunda þessar veiðar, að því er fram kemur í Fiskifréttum sem fylgja Viðskiptablaðinu í dag.

Huginn VE landaði 900 tonnum af gulldeplu á mánudaginn og er þá kominn með 2.100 tonn alls. Hoffell SU landaði 726 tonnum á þriðjudaginn og er með um 820 tonn í heild. Birtingur NK landaði 500 tonnum í síðustu viku og var á leið til lands með 550-600 tonn um miðja þessa viku. Alls hefur Birtingur veitt um 1.100 tonn. Samtals er gulldepluveiðin því um 4.000 tonn.

Þeim fjölgar stöðugt skipunum sem ætla að hefja veiðar á gulldeplu. Líklega bætast 4 skip í hópinn nú í vikunni, Eskjuskipin tvö Aðalsteinn Jónsson SU og Jón Kjartansson SU, Bjarni Ólafsson AK og Kap VE. Verið er að útbúa að minnsta kosti 4 önnur skip á veiðarnar og líklega fleiri. Allt stefnir því í það að 11 skip eða fleiri verði komin á þessar veiðar innan tveggja vikna sem er um helmingur uppsjávarflotans.