sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Hnúfubakar merktir fyrir austan land

2. febrúar 2009 kl. 15:14

Í loðnurannsóknaleiðangri Hafrannsóknastofnunar sem nú stendur yfir hafa verið merktir tveir hnúfubakar fyrir austan land. Staðsetningarmerki hafa borist frá öðru dýrinu sem merkt var síðdegis 1. febrúar 2009 á Hvalbaksgrunni. Hægt er að fylgjast með ferðum hnúfubaksins og fleiri hvala sem kunna að verða merktir í leiðangrinum á vef stofnunarinnar. Sjá ferðir hvalsins HÉR

Sl. haust stóð Hafrannsóknastofnunin fyrir tilraunum til að merkja hvali með gervitunglasendum. Markmið verkefnisins er að kanna ferðir skíðishvala við landið og far þeirra frá íslenskum hafsvæðum á haustin.

Á tímabilinu 4. til 7. nóvember s.l. voru festir sendar á tvo hnúfubaka í Eyjafirði með sérútbúinni loftbyssu og var rannsóknabátur Hafrannsóknastofnunarinnar, Einar í Nesi notaður til verksins. Upplýsingar um ferðir hvalanna fengust fram í desemberbyrjun. Annað dýrið hélt sig að mestu í Eyjafirði en hinn hnúfubakurinn fór fljótlega vestur fyrir land og suður í Faxaflóa. Þar dvaldi dýrið á síldarslóðum í sunnanverðum flóanum og hélt þaðan suður fyrir Reykjanes.

Sjá nánar HÉR