föstudagur, 14. desember 2018
 
TölublöðVenjuleg útgáfa

Hoffell landar gulldeplu á Akranesi

5. febrúar 2009 kl. 11:22

Hoffell SU 80 kom um níuleitið í morgun með fullfermi af gulldeplu til bræðslu á Akranesi. Að sögn Einars Guðmundssonar hjá Akraneshöfn landaði Júpíter 800 tonnum af deplunni í gær og Bjarni Ólafsson AK kom m með 830 tonnum á mánudagskvöld. Mjölið af gulldeplunni þykir mjög salt og því er óvíst hvernig gengur að selja það án þess að blanda því saman við annað. Hinsvegar er lýsið talið mjög gott.

Þetta kemur fram á vefnum skessuhorn.is.

Þar segir ennfremur að starfsmenn Faxaflóahafna á Akranesi séu að draga Faxa RE til hafnar á Akranesi en bilun kom upp í vél skipsins þegar það var að veiðum í gær. Faxi hefur innanborðs um 800 tonn af gulldeplu.

Togarinn Ottó N Þorláksson RE tók Faxa fyrst í tog en Jötunn, nýi lóðsbáturinn á Akranesi, mun draga skipið síðasta spölinn til hafnar.