þriðjudagur, 16. janúar 2018
 
TölublöðVenjuleg útgáfa

Hörpudiskstofninn áfram í lágmarki

13. nóvember 2009 kl. 13:57

Árleg stofnmæling Hafrannsóknastofnunarinnar á hörpudiski í Breiðafirði var gerð á Dröfn RE dagana 18.-23. október sl. Meginniðurstaða leiðangursins var sú að heildarvísitala hörpudisks mældist áfram í lágmarki eins og undanfarin ár eða aðeins um 14% af meðaltali áranna 1993-2000.

Aðrar niðurstöður voru þessar:

- Tíðni nýdauðra skelja, þ.e. tómar skeljar samhangandi á hjör, mælist minni en undanfarin ár sem bendir til þess að náttúruleg dauðsföll hafi áfram farið minnkandi.

- Vöxtur hefur verið góður frá því síðasta mæling var gerð haustið 2008 sem einnig bendir til þess að dauði skelja vegna frumdýrasýkingar sé í rénun.

- Allir árgangar frá árabilinu 2005-2008 eru lélegir en þó er 2008 árgangurinn þeirra skástur. Þannig er ekki gert ráð fyrir neinni umtalsverðri nýliðun í veiðistofninn á komandi árum. Gott klak og nýr álitlegur árgangur mun því byggjast á því að lítill en heilbrigður hrygningarstofn geti við hagstæð skilyrði gefið af sér góða nýliðun í náinni framtíð.

Leiðangursstjóri í hörpudisksleiðangrinum var Hrafnkell Eiríksson og skipstjóri Gunnar Jóhannsson.

Sjá nánar á vef Hafró, HÉR