þriðjudagur, 24. apríl 2018
 
TölublöðVenjuleg útgáfa

Hótelgestir í Shanghai gæða sér á grásleppu

6. nóvember 2009 kl. 10:02

Í dag lauk í Qingdao í Kína stærstu sjávarvörusýningu í Asíu „China Fisheries & Seafood Expo 2009“. Útflutningsfyrirtækið Triton ehf var meðal þátttaka í sýningunni og fylgir þar eftir söluátaki sínu á grásleppu til Kína.  Það var á sl. sumri sem Triton opnaði fyrir viðskiptin með útflutningi á rúmum 70 tonnum af frosinni grásleppu til kínverskra samstarfsaðila sinna. 

Að sýningunni lokinni munu fara fram kynningar á þremur völdum hótelum í Shanghai. Þar verður boðið upp á ýmsa rétti úr íslenskri grásleppu og fleiri íslenskum sjávarafurðum,  þ.á.m. niðursoðinni þorsklifur frá  Triton.

Frá þessu er skýrt á vef Landssambands smábátaeigenda (LS). Áætlað er að um 3 þúsund tonn af grásleppu falli til á Íslandi ár hvert, en eins og kunnugt er, hafa hingað til einungis hrognin verið nýtt; sjálfum fiskinum er hent.

Á vef LS segir að grásleppukarlar á Íslandi bindi vonir við að hægt verði að byggja upp traustan markað fyrir frysta grásleppu í Kína og hugsanlega fleiri löndum í Asíu.