sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Hversu langt er of langt?

19. desember 2009 kl. 14:34

Umhverfissinnuðum neytendum nægir ekki að fá fullvissu um það að fiskurinn sem þeir borða sé veiddur úr sjálfbærum fiskistofnum. Þeir vilja líka vita um hversu langan veg fiskurinn var fluttur áður en hann komst á markað og hve mikil orka fór í flutninginn.

Þetta er álit forstjóra FishPartners í Hollandi. Fyrirtækið er hluti af Kennemervis Group sem á fyrirtæki í Hollandi, Danmörku, Belgíu, Svíþjóð og Frakklandi og velti 250 milljónum evra á síðasta ári, jafnvirði 46 milljarða íslenskra króna.

,,Sjávarafurðir frá Nýja-Sjálandi og Ástralíu eru fluttar til Evrópu með flugvélum og skipum sem nota gríðarlega orku og losa mikið af koltvísýringi út í andrúmsloftið enda komnar um 8.000 kílómetra veg. Hvers vegna ekki að láta þess getið á umbúðunum?” spyr Peter Frans Koelewijn forstjóri FishPartners í samtali við sjávarútvegsvefinn IntraFish.

Hann bætir því við að slíkar merkingar gætu aukið sölu á sjávarafurðum sem framleiddar eru í ríkjum Evrópusambandsins.

Svo er bara að sjá hversu langt má flytja vöruna þar til neytendum þyki of langt farið.