mánudagur, 16. júlí 2018
 
TölublöðVenjuleg útgáfa

Innflutt hráefni til fiskvinnslu jókst um 24%

5. júní 2009 kl. 10:12

Innflutt hráefni til fiskvinnslu nam 131 þúsund tonnum árið 2008 og jókst í magni um 25 þúsund tonn frá fyrra ári eða um 24%. Verðmæti þessa innflutnings var 8,1 milljarður króna sem er tæplega 2,4 milljarða krónu hærri fjárhæð en árið 2007 á verðlagi hvors árs, en 6,8% lægri á föstu verðlagi ársins 2008 miðað við verðvísitölur sjávarafurða.

Mest var flutt inn af kolmunna (60.000 tonn), rækju (29.000 tonn), loðna (21.000 tonn), norsk-íslensk síld (13.000 tonn) og þorski 4.000 tonn).

Aukning var í innflutningi á þorski, norsk-íslenskri síld, loðnuhrognum, kolmunna og rækju. Minna var flutt inn af ufsa, síld og loðnu en árið áður. Verðmæti innflutts hráefnis nam 13,9% af verðmæti þess afla sem tekinn var til vinnslu hérlendis. Nánari upplýsingar eru á vef Hagstofu Íslands, HÉR