fimmtudagur, 25. maí 2017
 
TölublöðVenjuleg útgáfa

Keilusnakkið varð hlutskarpast

18. maí 2017 kl. 13:57

Hópurinn á bak við Volcano Seafood með viðurkenningar sínar.

Fengu verðlaun fyrir nýsköpun og viðskiptahugmynd á námskeiði hjá HR

Bjórsnakk úr keilu frá Volcano Seafood varð hlutskarpasta verkefnið í námskeiðinu „Nýsköpun og stofnun fyrirtækja“ sem er nýlokið í Háskólanum í Reykjavík.

Fyrsta árs nemum er raðað í hópa, þvert á deildir, sem fást svo við eigin nýsköpunarhugmyndir í þrjár vikur og reyna að koma þeim sem lengst. Að vanda komu margar frábærar hugmyndir fram í ár en hugmynd frá hóp sem stundar nám í haftengdri nýsköpun í Vestmannaeyjum, varð hlutskörpust.

Hóparnir fá það verkefni að leggja fram viðskiptaáætlun og frumgerð fyrir nýja viðskiptahugmynd á aðeins þremur vikum. Verðlaunahópurinn Volcano Seafood náði að búa til viðskiptaáætlun og vöru á þremur vikum; þurrkaða keilu sem er bragðbætt og neyta má sem snarls, líkt og harðfisks. Hópurinn skapar þannig verðmæti úr ódýru og vannýttu hráefni. Volcano Seafood var jafnframt valið besta sjávarútvegsfyrirtækið. Í hópnum eru: Dagur Arnarson, Guðný Bernódusdóttir, Gunnar Heiðar Þorvaldsson, Hallgrímur Þórðarson og Svanhildur Eiríksdóttir.