þriðjudagur, 14. ágúst 2018
 
TölublöðVenjuleg útgáfa

Kolmunnakvóti ákveðinn

1. febrúar 2018 kl. 14:52

Kolmunnaveiðar. (Mynd: Hlynur Ársælsson).

Stjórnvöld hafa gefið út reglugerð um að kolmunnakvóti Íslendinga verði 293 þúsund tonn árið 2018. Að minnsta kosti fjórðungur á að veiðast innan íslenskrar lögsögu

Sjávarútvegs- og landbúnaðarráðherra hefur í dag gefið út reglugerð um togveiðar íslenskra skipa á kolmunna árið 2018. TIlkynning um það hefur verið birt á vef ráðuneytisins:

„Alþjóðahafrannsóknaráðið (ICES) ráðlagði síðastliðið haust að hámarksveiði á kolmunna á þessu ári skyldi ekki vera umfram 1.387.872 tonn og var það viðmið samþykkt af öllum hlutaðeigandi strandríkjum. Reglugerðin kveður á um að hlutur Íslands verði 293 þúsund tonn, sem nemur 21,1% af ráðlögðum heildarafla. Samkvæmt eldri kolmunnasamningi, sem ekki er lengur virkur, hafði Ísland 16,23% hlutdeild í heildaraflamarki. Aukningin í 21,1% endurspeglar vegið meðaltal á þeirri aukningu sem önnur strand- og veiðiríki hafa tekið sér í ár.

Þá kveður reglugerðin á um að a.m.k. 25% af kolmunnaveiði íslenskra skipa skuli fara fram í íslenskri lögsögu eða á alþjóðahafsvæði, en Ísland og Færeyjar hafa með sér samning um gagnkvæman aðgang að lögsögum til kolmunnaveiða.“