sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Kolmunnaskipin nær öll hætt veiðum

22. maí 2008 kl. 12:34

,,Nær öll íslensku kolmunnaskipin eru hætt veiðum í færeysku lögsögunni og komin heim. Eftir að kolmunninn gekk norður fyrir Færeyjar dreifði hann sér svo mikið að vonlaust var að veiðarnar svöruðu tilkostnaði nú þegar olíuverðið er orðið svona hátt,” segir Grétar Rögnvarsson skipstjóri á Jóni Kjartanssyni SU í samtali í Fiskifréttum í dag.

,,Það þurfti að toga lengi og aflinn var samt alltof lítill. Við tókum tvö tuttugu klukkustunda höl í síðasta túr og fengum 250 tonn í öðru en 150 tonn í hinu,” segir Grétar og bætir því við að olíukostnaður hjá þeim á veiðum hafi verið kominn upp í eina milljón króna og þó brenni þeir svartolíu sem sé 18% ódýrari en venjuleg skipaolía. Nú er aðeins eitt íslenskt skip ennþá á kolmunnanum, Hoffell SU.

Fjallað er nánar um málið í nýjustu Fiskifréttum.