mánudagur, 23. apríl 2018
 
TölublöðVenjuleg útgáfa

Krókabátar eiga aðeins fjórðung ýsukvótans eftir

15. janúar 2010 kl. 14:00

Þegar rúmur þriðjungur er liðinn af fiskveiðiárinu eiga krókaaflamarksbátar aðeins eftir að veiða  tæp 3000 tonn af veiðiheimildum sínum í ýsu, sem svarar til þess að um þrír fjórðu þeirra hafi nú þegar verið nýttar.

Vakin er athygli á þessu á vef Landssambands smábátaeigenda. Þar segir ennfremur:

,,Veiðiheimildir krókaaflamarksbáta í ýsu eru nú 40% minni en á sama tíma i fyrra.  Bæði kemur það til vegna þriðjungs skerðingar á heildarafla í ýsu og tregðu stórútgerðarinnar að leigja frá sér, en á því hefur orðið mikil breyting milli ára.  Á sl. fiskveiðiári juku krókaaflamarksbátar veiðiheimildir sínar um 4200 tonn með því að leigja úr stóra kerfinu, en nú hafa þeir aðeins fengið þaðan rúm 900 tonn.

Andstætt við stöðu veiðiheimilda í ýsu hjá krókaaflamarksbátum á stórútgerðin eftir að veiða 77% af sínum veiðiheimildum.   Alls hafa aflamarksskip nú veitt 14 þúsund tonn en krókaflamarksbátar 9400 tonn.   Á heildina litið hefur nánast sama hlutfall ýsunnar verið nýtt eða tæpur þriðjungur.  Mikill munur er hins vegar á magninu sem er rúmum 8000 tonnum minna nú í ár en í fyrra.”

Sjá einnig töflu á vef LS, HÉR