miðvikudagur, 17. janúar 2018
 
TölublöðVenjuleg útgáfa

Leyfi til makrílveiða felld úr gildi

8. júlí 2009 kl. 16:26

Sjávarútvegsráðherra hefur falið Fiskistofu að fella úr gildi öll leyfi til makrílveiða. Þá hefur reglum um stjórn veiða íslenskra skipa úr norsk-íslenska síldarstofninum verið breytt á þann hátt að veiðar eru einungis heimilaðar fyrir norðan 66°N. Þar má makrílafli ekki fara yfir 10% af heildarafla á hverju þriggja vikna tímabili.

Er gripið til þessara ráðstafana þar sem afar hratt hefur gengið á útgefna hámarksaflaviðmiðun í markíl á síðustu dögum en það er 112 þúsund lestir. Ennfremur er ljóst að erfitt verður að veiða norsk-íslenska síld án þess að makríll fáist sem meðafli og á þeim grunni þykir ástæða til að stöðva beinar veiðar á makríl með fyrrgreindum hætti, segir í frétt frá sjávarútvegsráðherra.