sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Lífrænt sjávarfang og aðrar lífrænar matvörur á undanhaldi

11. ágúst 2009 kl. 12:00

Neytendur víða um heim hafa dregið úr kaupum á svokölluðu lífrænu (organic) sjávarfangi og lífrænum matvælum yfirleitt, að því er alþjóðlega könnunarfyrirtækið AC Nielsen hefur upplýst, en fyrirtækið stendur fyrir könnunum á innkaupavenjum neytenda í yfir 100 löndum.

Enda þótt nokkrar þjóðir, þeirra á meðal Tyrkir, hafi aukið framleiðslu og neyslu á lífrænu sjávarfangi, er þróunin í hina áttina í flestum öðrum ríkjum. Meginástæðan er rakin til efnahagskreppunnar sem leitt hefur til hækkunar á verði lífrænnar matvöru. Einnig stafar samdrátturinn af því að hreinar og klárar skilgreiningar skortir á því hvað sé lífrænt og hvað ekki, auk þess sem upplýsingar um gagnsemi lífrænna matvæla eru misvísandi.

Haft er eftir Jonathan Banks, eins af forstjórum AC Nielsen, á sjávarútvegsvefnum IntraFish að neytendur eigi erfitt með að skilja hvað átt sé við með hugtakinu lífrænt sjávarfang. Hann nefnir sem dæmi að ekki sé heimilt að merkja kóngalax, sem veiddur sé í ísköldum sjó við Alaska, sem lífræna sjávarafurð. Á hinn bóginn sé lax alinn upp í kvíum við vesturströnd Kanada á verksmiðjuframleiddu fóðri merktur sem lífrænn.

,,Neytendur eiga auðvelt með að skilja að kjöt af alifuglum sem ganga lausir geti talist lífrænt. Hins vegar er ekki hægt að kalla línuveiddan fisk lífrænan af því að ekki er vitað hvað hann hefur étið. Þar af leiðandi vaknar sú spurning hvort eingöngu sé unnt að kalla sjávarafurðir lífrænar ef fiskarnir eða dýrin hafi verið alin í kvíum. Þetta eiga flestir neytendur mjög erfitt með að skilja,” segir Banks.