sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Makríll veiðist á stöng í Tálknafirði

23. júlí 2008 kl. 14:15

Tveir rosknir sjómenn réru til fiskjar frá Tálknafirði fyrir helgina. Þeir voru með sína sjóstöngina hvor meðferðis og rennt var fyrir þann gula. Fljótlega var búið að fiska í matinn og þá brá svo við að tveir makrílar hlupu á færið hjá öðrum þeirra. Mikil undrun varð um borð, spikfeitur makríll veiddur rétt við landið.

Frá þessu er skýrt á vef Landssambands smábátaeigenda.

Ekki er þetta þó einsdæmi þar vestra því á  heimasíðu Níelsar Ársælssonar á Tálknafirði segir að fréttir hafi borist af því að markíll hafi hlaupið á færin hjá Þjóðverjum fram af Álftamýri í síðustu viku og eins hafi hjón sem réru á opinni trillu frá Tálknafirði dregið makríl þar í firðinum fyrir fáum dögum.