mánudagur, 25. júní 2018
 
TölublöðVenjuleg útgáfa

Makríllinn gekk norðar og vestar en áður

30. október 2009 kl. 09:34

Sameiginlegar rannsóknir Íslendinga, Norðmanna og Færeyinga í sumar í Norðaustur-Atlantshafi leiddu í ljós að útbreiðsla makríls náði lengra til norðurs og vesturs en áður hefur sést. Stærsti makríllinn gengur líka nyrst og vestast.

Þetta kemur fram í nýjustu Fiskifréttum í viðtali við Svein Sveinbjörnsson fiskifræðing.  ,,Makríll sótti í sumar meira inn á íslenskt hafsvæði en áður hefur þekkst og hans varð vart hringinn í kringum landið. Í ár fylgdum við makrílnum alveg norður á 67. gráðu og hann gekk örugglega töluvert norðar en það,” segir Sveinn.

Ekki tókst að mæla magn makrílsins á einstökum hafsvæðum í NA-Atlantshafi eins og til stóð en bætt verður úr því á næsta ári.

Sjá nánar viðtalið við Svein í Fiskifréttum sem fylgja Viðskiptablaðinu.