mánudagur, 26. júní 2017
 
TölublöðVenjuleg útgáfa

Meðallaun starfsmanna Síldarvinnslunnar 10,9 milljónir

16. júní 2017 kl. 15:25

Afhafnasvæði Síldarvinnslunnar í Neskaupstað. (Mynd: Hlynur Sveinsson)

Rekstrartekjur samstæðunnar 22,4 milljarðar

Rekstrartekjur Síldarvinnslusamstæðunnar voru á síðasta ári 22,4 milljarðar króna. Meðaltal heildarlauna starfsmanna á árinu var 10,9 milljónir króna. 

Þetta kemur fram í svokölluðu samfélagsspori Síldarvinnslusamstæðunnar fyrir árið 2016 sem endurskoðunarfyrirtækið Deloitte hefur reiknað út. 

Samfélagsspor er tiltekin aðferðafræði sem notuð er til að greina heildarframlag fyrirtækja til samfélagsins í formi skatta og opinberra gjalda. Til Síldarvinnslusamstæðunnar töldust árið 2016 auk móðurfélagsins Gullberg ehf., Bergur-Huginn ehf., Fóðurverksmiðjan Laxá hf., Runólfur Hallfreðsson ehf. og SVN eignafélag ehf.

Rekstrartekjur samstæðunnar námu 22,4 milljörðum króna á árinu 2016.

Fjöldi ársverka var 347. Meðaltal heildarlauna starfsmanna á árinu var 10,9 milljónir króna.

Samfélagssporið nam 13,2 milljónum króna fyrir hvern starfsmann á árinu 2016.

Til viðbótar við samfélagssporið styrkir Síldarvinnslan ýmis konar lista- og menningarstarfsemi, björgunarsveitir, íþróttafélög, sjúkrastofnanir og fleiri samfélagsleg verkefni að upphæð 50-60 milljónir króna á ári.

Veiðigjöld 600 milljónir

Veiðigjöld námu 600 milljónum króna árið 2016. Á árinu 2016 greiddi samstæðan 110 milljónir króna í kolefnisgjald.

Alls námu greiddir og innheimtir skattar ásamt opinberum gjöldum samstæðunnar 4,6 milljörðum króna á árinu 2016. Ekki eru metin margfeldisáhrif vegna kaupa á innlendum vörum og þjónustu.