sunnudagur, 23. júlí 2017
 
TölublöðVenjuleg útgáfa

Meiri afli allur kolmunna að þakka

14. júlí 2017 kl. 10:10

Kolmunni

15.500 tonn veiddust af kolmunna í júní - 2.000 tonn veiddust í sama mánuði í fyrra.

 Fiskafli íslenskra skipa í júní var rúmlega 53 þúsund tonn sem er 27% meira en heildaraflinn í júní 2016.

Þetta kemur fram í tilkynningu frá Hagstofu Íslands. Aukningin skýrist að öllu leyti af kolmunaafla, en í júní veiddust rúm 15.500 tonn af kolmunna samanborið við tæp 2.000 tonn í júnímánuði í fyrra.

Botnfiskafli dróst saman um 8% milli ára en tæp 33.000 tonn veiddust af botnfisktegundum samanborið við tæp 36.000 tonn í júní 2016. Rúm 18.000 tonn veiddust af þorski sem er 3% meira en í júní 2016.

Heildarafli á 12 mánaða tímabili frá júlí 2016 til júní 2017 var rúmlega 1,1 milljón tonn sem er um 5% meira en yfir 12 mánaða tímabili ári fyrr.

Miðað við fimm ára meðaltal afla júnímánaðar 2012-2016 er aflinn í júní 2017 um 0,7% yfir meðaltali. Þar má einnig reikna að afli aflamarksbáta var 1,2% meiri í júní en að meðaltali í sama mánuði síðustu fimm ár og afli strandveiðibáta var 5%  minni, segir í tilkynningunni.

Verðmæti afla í júní metið á föstu verðlagi var 7,2% minna en í júní 2016.

Um bráðabirgðatölur er að ræða.