sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Meiri fæða í maga grænlenska þorsksins en þess íslenska

12. desember 2008 kl. 17:46

Til viðbótar við hefðbundna stofnmælingu í haustrall Hafrannsóknastofnunar var Árni Friðriksson þrjá daga við rannsóknir á þorski í grænlenskri lögsögu.

Voru teknar 22 togstöðvar á afmörkuðu svæði vestur af Víkurál. Þorskurinn var lengdarmældur, vigtaður, kvörnum til aldursgreininga safnað og fæða úr mögum greind. Að auki voru 367 þorskar merktir.

Í frétt Hafrannsóknastofnunar í dag segir:

„Þorskafli á togstöðvunum sem voru teknar í grænlenskri lögsögu var mjög breytilegur, oft mjög lítill en fór mest upp í rúm 5 tonn í togi. Það sem einkenndi þorskinn var mjög gott holdarfar og há meðalþyngd eftir aldri. Var slægð þyngd þorsks af tiltekinni lengd (í þessu tilfelli 70 cm) um 15% meiri en í stofnmælingu að hausti. Fæðurannsóknir sýndu að fiskurinn í grænlenskri lögsögu var að meðaltali með um þrisvar sinnum meiri fæðu í maga en þorskur í íslenskri lögsögu. Var fæðan mest laxsíldar og fisktegundin skjár."

Því má bæta við í þessu sambandi að togaraskipstjórar á grálúðuslóð vestur af landinu hafa ítrekað orðið varir við þorsk óvenjudjúpt og hafa þeir getið sér þess til að hann gengi á milli grænlenskrar og íslenskrar lögsögu.